لاہور( رپورٹنگ آن لائن)نامور گلوکار ہ میگھا نے کہا ہے کہ کئی سالوں کی انتھک محنت کے بعد موجودہ مقام حاصل کیا ہے ،کرئیر کے آغاز سے ہی شارٹ کٹ کی قائل نہیں تھی حالانکہ مجھے بھی کئی مواقع میسر آئے جن کے بل بوتے پر آگے بڑھ سکتی تھی لیکن میں نے محنت کو ترجیح دی ، اداکاری اور گلوکاری الگ شعبے ہیں لیکن دونوں میں کامیابی کے لئے محنت کرنا پڑتی ہے ۔
ایک انٹر ویو میں میگھا نے کہا کہ میری خوش قسمتی ہے کہ نوجوان نسل مجھے سنتی ہے ، میں سمجھتی ہوں جب ہر چیز ایک کلک پر موجود ہو تو ایسے میں نوجوانوں کو اپنے فن سے متاثر کرنا آسان کام نہیں ۔ گلوکار ہ نے کہا کہ میری گلوکار عباس جٹ کے ساتھ جوڑی کو بے حد پسند کیا گیا.
حال ہی میں ریلیز کئے گئے گیت ” گھڑیا ” کو جتنی پذیرائی ملی ہے وہ ہماری توقعات سے بھی بڑھ کر ہے ۔میگھا نے کہا کہ میں اس بات کی قائل ہوں کہ عزت اور ذلت خدا کی ذات کے ہاتھ میں ہے ، آپ عاجزی کے ساتھ درست سمت میں سفر کریں کامیابی آپ کے قدم چومے گی۔
