کوئٹہ (رپورٹنگ آن لائن )صوبائی دارلحکومت کوئٹہ اور ملک کے دیگر شہروں کے درمیان ٹرین سروس منگل کو معطل کردی گئی ۔محکمہ ریلویز کے ایک اہلکار نے نام ظاہر نہ کرنے کی شرط پر بتایا کہ ٹرین سروس سکیورٹی وجوہات کی بنیاد پر معطل کی گئی ۔
اہلکار کا کہنا ہے کہ نہ صرف بین الصوبائی ٹرین سروس معطل کی گئی ہے بلکہ کوئٹہ اور بلوچستان کے سرحدی شہر چمن کے درمیان مسافر ٹرین سروس بھی معطل کر دی گئی ہے۔ریلویز اہلکار نے بتایا کہ شیڈول کے مطابق منگل کو کوئٹہ اور کراچی کے درمیان بولان میل کو بھی چلنا تھا تاہم سکیورٹی خدشات کی بنا پر اسے بھی کراچی کے لیے روانہ نہیں کیا گیا۔
