اسلام آباد(رپورٹنگ آن لائن)سپیکر قومی اسمبلی سردار ایاز صادق نے فیصل آباد میں کیمیکل فیکٹری میں بوائلر دھماکے سے ہونے والے جانی نقصان پر اظہار افسوس کیا ہے ۔ جمعہ کو اپنے تعزیتی پیغام میں انہوں نے کہا کہ سانحہ میں جانی نقصان انتہائی افسوسناک ہے۔
سپیکر سردار ایاز صادق نے سانحے میں جاں بحق افراد کے اہل خانہ سے دلی ہمدردی اور تعزیت کا اظہار کیا اور دعا کی کہ اللہ تعالیٰ جاں بحق افراد کو جنت الفردوس میں اعلیٰ مقام عطا فرمائے۔سپیکر سردار ایاز صادق نے اللہ تعالی سے لواحقین کو اس ناقابل تلافی نقصان کو برداشت کرنے کے لیے صبر جمیل عطا فرمانے کی دعا بھی کی ۔انہوں نے کہا کہ حادثے میں زخمی ہونے والوں کی جلد اور مکمل صحت یابی کے لیے دعاگو ہوں۔
