کرائسٹ چرچ(رپورٹنگ آن لائن)پاکستان قومی کرکٹ ٹیم دورہ نیوزی لینڈ کے لیے کرائسٹ چرچ پہنچ گئی۔قومی اسکواڈ آرام کرے گا اورجمعہ کو مقامی وقت کے مطابق 1 بجے پریکٹس کرے گا۔
پاکستان اور نیوزی لینڈ کے درمیان 5 میچز کی سیریز کا پہلا ٹی 20 میچ 16 مارچ کو کھیلا جائے گا۔واضح رہے کہ قومی اسکواڈ میں عبدالصمد اور حسن نواز بھی شامل ہیں جو پہلی مرتبہ پاکستان ٹیم میں منتخب ہوئے ہیں۔
دوسری جانب نیوزی لینڈ نے سیریز کے لیے ٹیم میں چیمپئنز ٹرافی کی فائنلسٹ ٹیم کے 7 کھلاڑیوں کو شامل کیا ہے، آل راو?نڈر مائیکل بریسویل ٹیم کی قیادت کریں گے۔
