واشنگٹن(ر پورٹنگ آن لائن) امریکی وزارت خارجہ نے شام کے شہر حسکا میں غویران جیل پر داعش کے حملے کی مذمت کی ہے۔ امریکا نے داعش کے قبضے میں موجود تمام قیدیوں اورجیل کے محافظوں کو رہا کرنے کا مطالبہ کیا۔میڈیارپورٹس کے مطابق اسٹیٹ ڈیپارٹمنٹ کے ترجمان نیڈ پرائس کے ایک بیان میں کہا کہ امریکا تنظیم (داعش)کی باقیات کا مقابلہ کرنے کے لیے خطے میں اپنے شراکت داروں کے ساتھ کھڑا ہے۔ شامی ڈیموکریٹک فورسز فورسز کے تیز ردعمل اور شمال مشرقی شام میں داعش کے خلاف جنگ جاری رکھنے کے عزم کو سراہتا ہے۔
بیان میں کہا گیا کہ اگرچہ عالمی اتحاد نے داعش کے حملے کرنے کی صلاحیت کو بری طرح کمزور کر دیا ہے لیکن تنظیم خطے کو غیر مستحکم کرنے کی اپنی کوششیں جاری رکھے ہوئے ہے۔بیان میں اس بات پر زور دیا گیا کہ غویران حملہ ان ممالک کی ضرورت کی تصدیق کرتا ہے جہاں سے داعش کے عناصر واپس آنے اور شمال مشرقی شام میں زیر حراست شہریوں کے خلاف مقدمہ چلانے کے لیے آئے تھے۔
