لاہور(رپورٹنگ آن لائن)ملک میں چینی کی بڑھتی قیمتوں کے پیش نظر وفاقی حکومت نے بڑا قدم اٹھاتے ہوئے چینی کے بجائے شکر درآمدکرنے کا فیصلہ کرلیا ہے ، امپورٹ اور طریقہ کار کا فیصلہ وفاقی کابینہ کرے گی ۔
وزارت صنعت وپیداوار کے ذرائع کے مطابق چینی کی قیمتوں کومستحکم رکھنے اور صارفین کو ریلیف فراہم کرنے کیلئے شکر درآمد کرنے کا فیصلہ کیا گیا ہے ۔ شکر کی درآمد سے مقامی سطح پر چینی کی قیمتوں میں کمی آئے گی اور مستقبل میں چینی کی پیداوار کو بڑھانے میں مدد بھی ملے گی، درآمد شدہ شکر کو مقامی سطح پر ریفائن کر کے چینی میں تبدیل کیا جا سکے گا۔
شکر کی درآمد کے فیصلے کا مقصد مقامی منڈی میں چینی کی قیمتوں کو کنٹرول میں رکھنا اور صارفین کو مناسب نرخوں پر چینی فراہم کرنا ہے۔
