اسلام آباد(رپورٹنگ آن لائن)پاکستان پیپلزپارٹی نے حفیظ شیخ کو عہدے سے ہٹا ئے جانے کے بعد آئی ایم ایف سے کئے گئے تمام معاہدوں کا ازسر نو جائزہ لینے کا مطالبہ کردیا۔
پیپلزپارٹی کے سیکرٹری جنرل سید نیئر حسین بخاری نے کہا ہے کہ حکومت نے حفیظ شیخ کو عہدے سے ہٹاکر نااہلی کا اعتراف کرلیا ہے،حفیظ شیخ کو عہدے سے ہٹانے سے آئی ایم ایف اور حفیظ شیخ کے دیگر فیصلوں پر سوالیہ نشان اٹھ گئے ہیں، حفیظ شیخ نااہل ثابت ہوئے تو نااہل شخص کے معاہدے عوام پر کیوں مسلط رہے؟ ۔
سید نیئر حسین بخاری نے کہا کہ حکومت فوری حفیظ شیخ کے آئی ایم ایف سے کئے گئے معاہدوں کا ازسر نو جائزہ لے، آئی ایم ایف کی کڑی شرائط پر قرض معاہدوں کے بعد وزیر خزانہ کی برطرفی عوام کی آنکھوں میں دھول جھونکنے کے مترادف ہے ،نااہل اور ناکام حکومتی ٹیم کی ناکامیوں کے نالائق کپتان کی “تبدیلی”چاہتی ہے۔
انہوں نے کہا کہ مہنگائی ہو تو سمجھیں حکمران بدعنوان ہیں کہنے والے عمران خان استعفے دیں ۔پٹرول آٹا چینی ادویات مہنگی کرکے تجوریاں بھرنے والے وزیراعظم کے دائیں بائیں موجود ہیں
