لاہور(رپورٹنگ آن لائن) جویریہ عباسی نے ڈرامہ سیٹ پر ہانیہ عامر کی نظر اتار کر مداحوں کے دل جیت لیے جس کی ویڈیو سوشل میڈیا پر تیزی سے وائرل ہو گئی۔
ڈراموں میں ماں کا کردار ادا کرنے والی سینئر اداکارہ جویریہ عباسی حقیقی زندگی میں بھی اپنی شفقت اور محبت کا عملی مظاہرہ کرتی نظر آئیں، حال ہی میں ایک ڈرامے کے سیٹ پر جویریہ عباسی کو اداکارہ ہانیہ عامر کو نظرِ بد سے محفوظ رکھنے کے لیے نظر اتارتے دیکھا گیا۔
وائرل ویڈیو میں جویریہ عباسی ہانیہ عامر کے لیے دم درود کرتی دکھائی دیں جس پر ہانیہ محبت کے ساتھ مسکراتی نظر آتی ہیں، اس منظر نے مداحوں کے دل جیت لیے اور سوشل میڈیا صارفین نے جویریہ عباسی کے خلوص کو خوب سراہا۔
مداحوں کا کہنا ہے کہ جویریہ عباسی نے ثابت کر دیا کہ وہ نہ صرف سکرین پر بلکہ حقیقی زندگی میں بھی ماں جیسی محافظ ہیں جو اپنے ساتھی فنکاروں کا خیال رکھنا جانتی ہیں، اس ویڈیو کو شائقین کی جانب سے بے حد پسند کیا جا رہا ہے اور اداکارہ کو مثبت اور مہربان شخصیت دیا گیا۔
