کیپ ٹاؤن (رپورٹنگ آن لائن) “چائنا ان اسپرنگ ٹائم:دنیا کے لیے چین کے ترقیاتی مواقع ” کے عنوان سے عالمی مکالمے کا جنوبی افریقہ خصوصی سیشن کیپ ٹاؤن میں منعقد ہوا۔ کمیونسٹ پارٹی آف چائنا کی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شن ہائی شیونگ نے تقریب سے ورچوئل خطاب کیا ۔افریقہ کی سیاسی، تعلیمی، میڈیا کے شعبے کی شخصیات اور نوجوان طلباء کے نمائندوں سمیت تقریباً ایک سو مہمانوں نے اس تقریب میں شرکت کی۔
شن ہائی شیونگ نے کہا کہ چائنا میڈیا گروپ بین الاقوامی معیار کی مربوط نشریات، سائنسی و تکنیکی جدت اور میڈیا وسائل کی برتریوں کو بروئے کار لاتے ہوئے چینی طرزِ جدیدیت کے ثمرات کو دنیا تک بہتر انداز میں پہنچانے کے لیے پرعزم ہے۔ چین کی ترقی دنیا سے الگ نہیں ہو سکتی اور دنیا کی خوشحالی کو بھی چین کی ضرورت ہے۔ ہم مل کر عالمی امن و ترقی کے فروغ اور انسانیت کے ہم نصیب معاشرے کی تعمیر میں اپنی خدمات سرانجام دیں گے۔
سی ایم جی کی جانب سے تیار کردہ پہلا بڑا صنعتی ثقافتی پروگرام “ہنر مند کاریگروں کا ریکارڈ” اور گھوڑے کے سال کے لئے سی ایم جی اسپرنگ فیسٹیول گالا کا پروگرام ” مارشل آرٹس روبوٹس” تقریب کے موقع پر پیش کیے گئے۔ جنوبی افریقہ کے برکس ٹی وی،انڈیپنڈنٹ میڈیا، گلوبل ساؤتھ نیوز نیٹ ورک، اخبار “ڈپلومیٹک سرکل” ، زیمبیا کے ریڈیو ایف ایم فائیو، زمبابوے براڈکاسٹنگ کارپوریشن، نائیجیریا کے اخبار”اتھارٹی” اور کانگو نیوز نیٹ ورک سمیت افریقہ کے متعدد ممالک کے مین اسٹریم میڈیا نے اس تقریب کی کوریج کی۔
