کراچی (رپورٹنگ آن لائن)قومی کرکٹر احمد شہزاد نے دوسری لیگ نہ کھیلنے کی وجہ بیان کرتے ہوئے کہاہے کہ جذبہ ہمیشہ سے ملک کیلئے کھیلنا تھا پھر پی ایس ایل آگئی ہم وہاں چلے گئے،جذبہ ہمیشہ سے ملک کیلئے کھیلنا تھا پھر پی ایس ایل آگئی ہم وہاں چلے گئے۔
نجی ٹی وی کے شو میں مداح نے احمد شہزاد سے سوال کیا کہ آپ محمد عامر کی طرح دوسری لیگ کیوں نہیں کھیلتے اس کی کیا وجہ ہے؟جواب میں احمد شہزاد نے کہا کہ میری زندگی میں شروع سے یہی تھا کہ پاکستان کے لیے کھیلنا ہے، پیسہ کبھی ذہن میں نہیں آیا، جب کھیلے تو خواہشات تھیں کہ گھر بنالیں گے گاڑی لیں گے۔انہوں نے کہا کہ جذبہ ہمیشہ سے ملک کے لیے کھیلنا تھا پھر پی ایس ایل آگئی ہم وہاں چلے گئے۔
احمد شہزاد نے کہا کہ جب آپ ٹیم میں کھیل رہے ہوتے ہیں تو لوگ آپ کو لیگز کے لیے بلاتے ہیں کہ یہ چہرہ دنیا میں چل رہا ہے لیکن جب آپ ٹیم میں نہیں ہوتے تو بطور اوپنر بیٹر لیگ کرکٹ میں جاکر جگہ بنانا آسان نہیں ہے۔انہوں نے کہا کہ لیگ کرکٹ میں ان ممالک کی کوشش ہوتی ہے اوپنر باہر کے نہیں اپنے ہوں۔احمد شہزاد نے کہا کہ جب پاکستان سے کھیلنا چاہتا تھا تو لیگ کی آفر آئیں، میں نے ڈومیسٹک میں پرفارمنس پر دھیان دیا اور ٹی 10 کی آفر بھی ٹھکرا دی۔
