اسلام آباد (رپورٹنگ آن لائن)پاکستان پیپلز پارٹی کے چیئرمین بلاول بھٹو زرداری نے ڈیرہ اسمٰعیل خان اور شمالی وزیرستان میں دہشتگردوں کے خلاف کامیاب آپریشنز پر خراج تحسین پیش کرتے ہوئے کہا ہے کہ آپریشنز میں سرغنہ عالم محسود سمیت 15 بھارتی پراکسی دہشتگردوں کو جہنم واصل کرنا بڑی کامیابی ہے۔
اپنے بیان میں بلاول بھٹو زرداری نے دہشتگردی کے خلاف جنگ میں سکیورٹی فورسز کے افسران و جوانوں کو انکے غیرمتزلزل عزم و حوصلے پر سلام پیش کیا اور کہاکہ آپریشنز میں سرغنہ عالم محسود سمیت 15 بھارتی پراکسی دہشتگردوں کو جہنم واصل کرنا بڑی کامیابی ہے۔
انہوںنے کہاکہ ملک کو دہشتگردی سے پاک کرنے کیلیے سکیورٹی فورسز کی ”عزمِ استحکام”مہم کی مکمل حمایت کرتے ہیں۔بلاول بھٹو زرداری نے کہاکہ بھارتی پراکسی دہشتگردوں اور ان کے سہولتکاروں کا صفایا کرنے کے لیے پوری قوم متحد اور پرعزم ہے
