اسلام آباد(رپورٹنگ آن لائن) نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں 48 پیسے فی یونٹ کمی کا نوٹیفکیشن جاری کر دیا۔
ترجمان نیپرا کے مطابق بجلی کی قیمتوں میں کمی ماہانہ فیول ایڈجسٹمنٹ کی مد میں کی گئی ہے، جس کا اطلاق رواں ماہ کے بلوں پر ہوگا۔
دوسری جانب ترجمان نے کا کہنا تھا کہ قیمتوں میں کمی کا اطلاق کے الیکٹرک سمیت ملک بھر کے تمام صارفین پر ہوگا،ریگولیٹر کے اعلامیے میں بتایا گیا ہے کہ بجلی کی قیمتوں میں کمی سے صارفین کو 5 ارب روپے سے زائد کا ریلیف ملے گا۔
علاوہ ازیں نیپرا نے بجلی کی نئی قیمتوں اور کمی کے حوالے سے باضابطہ نوٹیفکیشن بھی جاری کر دیا ہے۔
