لاہور (رپورٹنگ آن لائن) پاکستان سپر لیگ (پی ایس ایل) فرنچائز کوئٹہ گلیڈی ایٹرز کے مینٹور ویوین رچرڈز نے کہا ہے کہ ہمیں امید ہے کہ لاہور کا وینیو کوئٹہ گلیڈی ایٹرز کیلیے خوش قسمت ثابت ہوگا۔
لاہور میں میڈیا سے گفتگو میں ویوین رچرڈز نے کہا کہ آپ جتنی مرضی اچھی ٹیم ہوں بعض اوقات ہارتے بھی ہیں، ہم آخری دو میچز ہارے، کوئٹہ گلیڈی ایٹرز اس طرح نہیں کھیلی جیسی کہ وہ کھیل سکتی ہے، نیا وینیو ہے، نئی کنڈیشنز ہیں، ہم جانتے ہیں کہ ہم بہتر کر سکتے ہیں۔
کوئٹہ گلیڈی ایٹرز کے مینٹور نے مزید کہا کہ مارک چیپ مین جیسا پلیئر ہمارے سکواڈ میں آیا، جس نے نیوزی لینڈ کیلیے بہت اچھا کر رکھا ہے، وہ اچھا کھیلنے کی صلاحیت رکھتا ہے، ابھی گرے ہیں لیکن ا?و?ٹ نہیں ہیں، مجھے یقین ہے کہ اہم آگے بہتر کر سکتے ہیں۔ویوین رچرڈز نے یہ بھی کہا کہ پاکستان میرا دوسرا گھر ہے.
میں کئی برسوں سے یہاں رہا ہوں، میں ویسٹ انڈیز ٹیم کے ساتھ آ چکا ہوں، مجھے یہاں آنا اچھا لگتا ہے، کرکٹ جہاں مجھے لے کر جائے گی میں وہاں خوش ہوں گا۔کوئٹہ گلیڈی ایٹرز کے مینٹور نے کہا کہ دو میچز ہارنے کے بعد ہمیں حوصلہ شکنی نہیں کرنی چاہیے، ٹیم کا مورال بہت اچھا ہے میں اتنا کہہ سکتا ہوں میں ٹاپ آرڈر پر بات نہیں کر سکتا۔
