کراچی (رپورٹنگ آن لائن)بالی ووڈ کی معروف اداکارہ نرگس فخری کو سالگرہ پر گھر کا بنا ہوا کھانا پسند آگیا، انہوں نے اسے رولز رائس سے بہتر قرار دیا۔
اداکارہ نرگس فخری نے اپنی سالگرہ نہایت سادگی مگر محبت بھرے انداز میں منائی۔ یہ موقع اور بھی خاص اس لیے بن گیا کیونکہ ان کی قریبی دوست اور معروف ہدایت کارہ فرح خان نے ان کے لیے گھر کا بنا ہوا لذیذ کھانا تیار کر وایا۔فرح خان نے انسٹاگرام پر سالگرہ کی جھلکیاں شیئر کرتے ہوئے بتایا کہ سالگرہ کا جشن سادہ مگر دل سے منایا گیا تھا، جس میں دلپ نامی کک نے نرگس کے لیے بھنڈی، چاول، پالک پنیر اور دال جیسے ذائقہ دار پکوان بنائے۔
میز پر دو مزیدار چاکلیٹ کیک بھی رکھے گئے تھے، جن میں سے ایک پر تازہ اسٹرابیریز اور دوسرے پر کھانے کے قابل سنہری پتی لگی ہوئی تھی۔اس موقع پر اداکارہ نرگس فخری بہت خوش نظر آئیں، ان کا کہنا تھا کہ مجھے بے شمار تحفے ملے، مگر یہ گھر کا کھانا میرا سب سے پسندیدہ تحفہ ہے۔ یہ سب سے قیمتی گفٹ ہے کیونکہ محبت سے بنے کھانے کی کوئی قیمت نہیں ہو سکتی۔
