اسلام آباد (رپورٹنگ آن لائن)اسپیکر قومی اسمبلی اسد قیصر نے کہاہے کہ بطور عوامی نمائندوں کے اب وقت آگیا ہے ہم عوام سے کیے گئے وعدوں پر عملدآمد کرنے کے لیے اپنے ہر ممکن وسائل کو بروکار لائیں۔ بدھ کو اسپیکر قومی اسمبلی اسد قیصر کی زیر صدارت حکومتی رہنمائوں کا اہم اجلاس جس میں وفاقی وزراء پرویزخٹک، شاہ محمود قریشی، اسد عمر اور شفقت محمو،چیف وہیپ ملک عامر ڈوگر ، وزیر مملکت علی محمد خان اور وزیر اعظم کے مشیر برائے پارلیمانی امور ڈاکٹر بابر اعوان بھی شریک ہوئے ،اجلاس میں اہم پارلیمانی امور سمیت ملکی سیاسی ،معاشی اور کورونا وائرس وبا سے متعلق امور زیر باعث رہے۔
اجلاس میں قومی اسمبلی کے اجلاس کو بلاوانے اور اپوزیشن جماعتوں کے پارلیمانی رہنماوں سے مشاورت پر غور کیا گیا۔ اسد قیصر نے کہاکہ بطور عوامی نمائندوں کے اب وقت آگیا ہے کہ ہم عوام سے کیے گئے وعدوں پر عملدآمد کرنے کے لیے اپنے ہر ممکن وسائل کو بروکار لائیں، مشکل حالات کا مقابلہ کرنے کے لیے پارلیمنٹ کا کردار انتہائی اہمیت کا حامل ہے۔ اسد قیصر نے کہاکہ کورونا کے پہلی لہر کے دوران پارلیمنٹ کا کردار بہت اچھا رہا، وفاقی وزراء جلد وزیر اعظم عمران خان سے ملاقات کریں گے۔ اسد قیصر نے کہاکہ قومی اسمبلی کا اجلاس بلانے سے متعلق حتمی فیصلہ کیا جائے گا، چاہتا ہوں کہ قانون سازی کا عمل آگے بڑھے ، قومی اسمبلی کے اجلاس کے دن پورکرنا آئینی طور پر ضروری ہے۔
