رپورٹنگ آن لائن۔
بتایا گیا ہے کہ بادامی باغ کے رہائشی عبدالمالک نے سبزی منڈی کے کام میں ناقص میٹریل کے استعمال پر اینٹی کرپشن حکام کو درخواست دی جس میں موقف اختیار کیا گیا کہ جنرل انتخابات کے دوران راوی زون کے علاقہ سبزی منڈی کے مین روڈ کی تعمیر مرمت ہوئی، جس میں زیڈ او مظہر حسین، اے زیڈ او محمد وقاص اور سب انجینئر سرور نے صرف اپنی حرام خوری کیلئے انتہائی ناقص کام کروایا،.
سڑک کی موقع پر”لیولنگLEVELING“ نہیں کی گئی اور کام میں انتہائی ناقص میٹریل استعمال کیا گیا ہے میں نے اپنے طور پر میونسپل کارپوریشن رابطہ کیا تومعلوم ہوا کہ مذکورہ کام کا تقریبا2کروڑ کا ٹینڈرہوا ہے،راوی زون کے زیڈ او مظہر حسین سے بات کی تو انہوں نے اے زیڈ او وقاص سے بات کرنے کا کہا جب وقاص سے رابطہ کیا تواس نے دھمکیاں دینا شروع کر دیں کہ میں وکیل ہوں تمہیں ایسے جھوٹے مقدمات میں پھنساؤں کا کہ تم ساری زندگی یاد رکھو گے.
زیڈ او مظہر حسین کے بارے میں معلوم ہوا ہے کہ وہ میونسپل کارپوریشن کے 4زونز راوی زون، شالیماز زون، واہگہ زون اور عزیز بھٹی زون کا زیڈ او ہے اور ہر کا کی 3فیصد کمیشن وصول کرتا ہے، اے زیڈ او وقاص بھی ہو کام کی 3فیصد کمیشن وصول کرتا ہے اس کے علاوہ سب انجینئر سرور بھی بل بنانے کی 3فیصد کمیشن وصول کرتا ہے.
کام بارے میں پوچھا جائے تو یہ سب کچھ نیسپاک پر ڈال دیتے ہیں،حالانکہ یہ موقع پر کھڑے ہو کر کام کرواتے ہیں،صرف اپنی حرام خوری کیلئے قومی خزانے کو کروڑوں کا نقصان پہنچاتے ہیں، شہری کی درخواست پر اے زیڈ او وقاص نے تھانہ لاری اڈا میں شہری عبدالماک کیخلاف بھتہ مانگے، سنگین دھمکیاں دینے اور کار سرکار میں مداخلت کی درخواست دیدی، شہری نے انصاف کیلئے عدالت کا دروازہ کھٹکھٹانے کیلئے رابطہ کر لیا۔
