رپورٹنگ آن لائن۔
ای ٹی او ایکسائز کا پی سی ہوٹل راولپنڈی کے باہر چھاپہ، پرمٹ ہولڈرز کو تنگ کرنے والے پولیس اہلکار پکڑے گئے۔
مقامی پولیس اہلکار غیر قانونی طور پر پرمٹ ہولڈرز سے بھتہ وصول کررہے تھے
موقع پر موجود پرمٹ ہولڈرز نے ایکسائز پولیس کو بتایا کہ پولیس اہلکار، اعلیٰ افسران کا نام استعمال کرکے ہوٹل انتظامیہ اور پرمٹ ہولڈرز سے روزانہ ہزاروں روپے رشوت وصول کرتے ہیں اور اقلیتوں کو جاری ہونے والے سرکاری پرمٹ ہونے کے باوجود سرعام رشوت وصول کر تے ہیں۔
پرمٹ ہولڈرز نے آر پی او اور سی پی او راولپنڈی سے معاملے کا نوٹس لینے اور اقلیتی برادری کے ساتھ ہونے والی پولیس گردی میں ملوث کالی بھیڑوں کے خلاف کاروائی کا مطالبہ کیا ہے۔
