لاہور (رپورٹنگ آن لائن) جمعیت علماء اسلام (ف) کے سربراہ مولانا فضل الرحمان بنگلہ دیش کے دورے پر چلے گئے۔
ترجمان جے یوآئی اسلم غوری کے مطابق مولانا فضل الرحمان مختلف مذہبی ،اصلاحی اور روحانی اجتماعات سے خطاب کریں گے جبکہ عالمی تحفظ ختم نبوت کانفرنس کے مہمان خصوصی بھی ہوں گے ۔ترجمان کے مطابق مولانا فضل الرحمان مدارس کے سالانہ اجتماعات میں شرکت کریں گے.
مولانا فضل الرحمان کے اعزاز میں ڈھاکہ اور سلہٹ سمیت دیگر شہروں میں بھی تقریبات ہوں گی ۔مولانا عبدالغفور حیدری ، مولانا اسعد محمود ، مولانا سعید یوسف ،مفتی ابرار احمد اور دیگر بھی ہمراہ ہیں ۔
