اسلام آباد (رپورٹنگ آن لائن)وزیر مملکت برائے امور داخلہ طلال چوہدری نے پاک، افغان طالبان مذاکرات کے مشترکہ اعلامیہ پر رد عمل دیتے ہوئے کہا ہے کہ پاکستان کے اصولی موقف کی جیت ہوئی ہے،افغانستان کی سلامتی وخودمختاری کی ضمانت بھارت نہیں دے سکتا۔
ایک انٹرویومیں طلال چوہدری نے امید ظاہر کی کہ چیزیں مثبت طریقے سے آگے بڑھیں گی۔انہوں نے کہا کہ افغانستان کا امن پاکستان کے ساتھ جڑا ہوا ہے اور پاکستان چاہتا ہے کہ کسی کی بھی سرزمین پاکستان کے خلاف استعمال نہ ہو۔
وزیر مملکت طلال چوہدری نے خبردار کیا کہ بھارت کی پراکسی بننے سے ہوسکتا ہے افغانستان اپنی خودمختاری کھو بیٹھے۔ افغانستان کو سمجھنا چاہیے کہ بھارت انکی سلامتی وخودمختاری کی ضمانت نہیں دے سکتا۔
