تنویر سرور۔
ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب میں ایکسائز پرمٹ ہولڈرز کی بائیومیٹرک ختم کر دی گئی ہے۔
ذرائع کے مطابق ڈائریکٹر جنرل ایکسائز اینڈ ٹیکسیشن پنجاب فیصل فرید نے اپنی تعیناتی کے فوری بعد محکمے میں ہرکس و ناکس کو جاری شراب کی فروخت کو روکتے ہوئے تمام پرمٹ ہولڈرز کا ریکارڈ بائیومیٹرک کرنے کا اصولی فیصلہ لیا اور پہلے سٹیپ میں پرمٹ ہولڈر کی حاضری کو یقینی بنانے کا حکم صادر کرتے ہوئے لاہور سمیت دیگر شہروں میں ایل ٹو لائسنس ہولڈرز کو پابند کردیا کہ پرمٹ کے بغیر شراب کی فروخت بند کر دی جائے۔جس پر ان ہوٹلوں سے پرمٹ کے بغیر اور خصوصا ” مسلمانوں کو شراب کی فروخت بند کر دی گئی۔جسے معاشرے میں خوب سراہا گیا
جبکہ دوسرے مرحلے میں ڈی جی ایکسائز فیصل فرید نے یکم جولائی 2024 سے لازمی قرار دیدیا گیا کہ تجدید کے لئے پرمٹ ہولڈر از خود دفتر آکر بائیومیٹرک تصدیق کروائے جس کے بعد لاہور سمیت دیگر شہروں میں یکم جولائی 2024 سے پرمٹ ہولڈروں کی بائیومیٹرک ویری فکیشن شروع کرتے ہوئے ان کے کوائف، انگلیوں کے نشان اور ان کی لائیو فوٹوز کا ریکارڈ کمپیوٹرائزڈ کرنے کا عمل شروع کر دیا گیا جس کے جواب میں 31 جولائی تک ہزاروں درخواست گزاروں نے کمپیوٹرائزڈ پرمٹ حاصل کرلیئے لیکن یہ مافیا کا دباو تھا یکم اگست کو ہی ٹھیک ایک ماہ بعد بائیومیٹرک ویری فکیشن ختم کرتے ہوئے پہلے کی طرح مینوئل طریقے سے پرمٹ بنانے کا عمل شروع کر دیا گیا ہے۔اور ہوٹلوں سے مسلم غیر مسلم، پرمٹ ہولڈر نان پرمٹ ہولڈرز کو شراب کی فروخت شروع کر دی گئی ہے۔
عوامی حلقوں کی طرف سے فصیل فرید کے اس عمل کو عجیب نظروں سے دیکھا جارہا ہے اور کہا جارہا یے کہ اس سارے عمل کے پیچھے ایڈیشنل ڈائیریکٹر جنرل ایکسائز اینڈ ٹیکسیشن پنجاب رضوان شیروانی ہیں البتہ رضوان شیروانی نے ذمہ داری ڈائریکٹر انفورسمنٹ اینڈ آڈٹ پنجاب قمرالحسن سجاد پر ڈالتے ہوئے کہا یے کہ یہ ان کا پراجیکٹ ہے وہی بتا سکتے ہیں۔
جبکہ ڈی جی ایکسائز اینڈ ٹیکسیشن پنجاب فیصل فرید سے رابطہ کیا گیا تو ان کا کہنا تھا کہ فون پر موقف جاننے کی بجائے میرے دفتر آئیں۔
