میاں تنویر سرور۔اینٹی کرپشن ڈیپارٹمنٹ پنجاب نے ڈائریکٹر ایکسائزاینڈ ٹیکسیشن فیصل آبادتنویر عباس گوندل کے خلاف کرپشن کے الزامات کی انکوائری دوبارہ شروع کرنے کا حکم جاری کر دیا ہے۔
یہ حکم سینئر کلرک ایکسائز اینڈٹیکسیشن فیصل آباد احسن جبار کی درخواست پر جاری کیا گیا ہے۔احسن جبار نے 29نومبر 2024کودرخواست نمبر 2554/24 کے تحت ڈائریکٹر ایکسائز فیصل آباد تنویر عباس گوندل پر کرپشن اور خوردبرد کے متعددالزامات عائد کئے تھے۔ تاہم بعدازاں ڈائریکٹر مذکور کی یقین دہانی اور رقوم واپس کرنے کے وعدے پر اپنی درخواست واپس لے لی تھی۔لیکن اب پھر انکوائری بحال کرنے کی درخواست دیتے ہوئے موقف اختیار کیا ہے کہ ڈائریکٹر نے اسے دباو کر شکار کرکے جھوٹا بیان حلفی لیا تھااور رقم بھی واپس نہیں کی۔
جس پراینٹی کرپشن پنجاب نے ہدایت جاری کی ہیں کہ 18اگست 2025 کو دونوں فریق اینٹی کرپشن فیصل آباد میں ڈائریکٹر کے روبرو حاضر ہوں جہاں اینٹی کرپشن ہیڈ آفس سے ان کے معاملے کی ویڈیو لنک کے ذریعے آن لائن ہیرنگ ہونگی اور شکایت گزار اور ڈائریکٹر ایکسائز فیصل آبادکو ایک ساتھ سننے کا موقع دیا جائے گا۔اس سلسلے میں گفتگو کرتے ہوئے احسن جبار کا کہنا تھا کہ وہ ڈائریکٹر کے خلاف بہت سے ثبوت رکھتے ہیں اور کرپشن کی بہت کہانیاں بے نقاب ہونگی.
